50

سابق وزیراعظم نوازشریف سے مشیر قومی سلامتی امور جنرل (ر) ناصر جنجوعہ نے ملاقات کی

(سجاد راجپوت) ​سابق وزیراعظم نوازشریف سے مشیر قومی سلامتی امور جنرل (ر) ناصر جنجوعہ نے ملاقات کی ہے جس میں ملکی سلامتی سمیت خطے کی مجموعی صورتحال پر گفتگو کی گئی دونوں رہنماﺅں کے درمیان ملاقات پانچ گھنٹے تک جاری رہی​ ۔
میڈیا رپورٹس کے مطابق مشیر قومی سلامتی امور جنرل ریٹائرڈ ناصر خان جنجوعہ نے لاہور میں سابق وزیراعظم نوازشریف سے ملاقات کی جس میں دہشت گردی ،ملکی سلامتی اور خطے کی صورتحال پر بات چیت کی گئی جب کہ ہمسایہ ممالک سے تعلقات اور سرحدی امور پر بھی تبادلہ خیال کیا گیا۔ ملاقات میں نواز شریف نے ایک بار پھر افغانستان سمیت تمام ہمسایوں سے دوستانہ اور پر امن تعلقات پر زور دیا۔
اس موقع پر ناصر خان جنجوعہ کا کہنا تھا کہ ملکی سلامتی کے تحفظ کےلئے تمام ادارے متحد ہیں اور آخری دہشت گرد کے خاتمے تک جنگ جاری رہے گی، سرحد پار سے دہشت گردوں کوسپورٹ کسی صورت برداشت نہیں کریں گے جب کہ دہشت گردی کےلئے پاکستان نے بہت قربانیاں دیں جسے دنیا کو تسلیم کرنا پڑے گا۔

اس خبر پر اپنی رائے کا اظہار کریں

اپنا تبصرہ بھیجیں